Joan
den ekainaren
5ean eginiko
prentsa
agerraldian
salatzen
genuen
bezala,
Gasteizko
Udalak ez
du euskara
aurrekonturik
eta oraindik
ere horrela
jarraitzen
du.
Maiatzaren
22ko Euskara
Sektore
Kontseiluko
bileran jaso
genuen
Alfredo
Iturricha
zinegotziaren
eskutik
murrizketak
egongo
zirenaren
berri baina
ez zuen
inongo datu
zehatzik eman
ezta
aurrekonturik
aurkeztu ere.
Ezohiko
Euskara Sektore Kontseilua ere deitu genuen, berandu baina azkenean
atzo bertan izan zen eta han ere zinegotziak ahoz eman zigun bere
asmoen berri.
Euskararekiko
eta euskalgintzarekiko errespetu falta salatu nahi dugu berriz ere.
Ekaina erdialdean oraindik eragileok ez dakigulako udalak ze
aurrekontu izango duen eta ondorioz ezta guk geuk ere zenbateko
aurrekontua izango dugun.
Behin
eta berriz
udaletik
ahalegin bat
egiteko
eskatzen ari
dira,
murrizketa
horiek onartu
eta besterik
gabe aurrera
jo dezagun.
Jakin nahiko
genuke
beraiek ze
ahalegin
egiteko prest
dauden. Udal
aurrekontu
osoaren %0,35
suposatzen du
euskara
zerbitzura
bideratzen
denak,
nahikoa
murritza da
dagoeneko eta
ondorioz ez
dagoen
lekutik ezin
da murriztu.
Gainera
udalak
murrizketa
horiekin
zenbat
aurreztuko
du?
Euskalgintzaren
proiektuak
arriskuan
jarriz
konponduko
ote da
udalak izan
dezakeen diru
arazoa?
Gasteizko
euskalgintzak garatzen dituen proiektuak kolokan daude, proiektu
horien onuradun diren herritarren kaltetan. Udalak entzungorrarena
egiten du eta ez du egoera argi eta garbi azaltzen. Guzti hau
gertatzen ari den bitartean alkateak ez du aipamenik ere egin, bera
denean udalaren hizkuntza politikaren arduradun nagusia.
Gasteiz
hiriburu berdea da aurten, horren harira antolatu dituzte Hizkuntza
Ekologiari buruzko jardunaldiak. Baina bitartean euskara aurrekontuak
beltz daude eta ez dakigu udalaren hizkuntza politika itxura hutsa
den edo benetan horren atzean zerbait dagoen.
Gasteizko
euskalgintzak bitartean lanean jarraituko du, egunerokotasunean baina
baita aldi berean gaur azaleratzen dugun egoera salatzen eta udalari
informazioa eskatzen. Helburu horrekin datorren astean izango den
Euskara Batzordean txanda eskatu dugu, han ere, gure kezkak eta
zalantzak aurkeztu eta argitzeko asmoz.