2012/05/13

Aste honetan pandero tailerra eta Jon Basagurenen kontzertua

Ostegunerako pandero tailerra antolatu dugu Judimendiko auzo elkartean. 18:00etan hasiko da eta panderoekin trebezia hartu ondoren auzoan zehar erakutsiko dugu ikasi duguna: 19:30ean triki-poteoa!

Ostiralean, Zadorra AEK euskaltegiaren parean dagoen Buddha tabernan, Jon Basagurenek kontzertua emango du. Akatu, Johnny & Joseph eta Jon Dalton proiektuetan aritutako musikaria da bera. Oraingo honetan bere abestiak joko dizkigu gitarra akustiko baten laguntzaz 20:30etik aurrera.