Azaroan zehar aurkeztu eta abian jarriko dugu AEKren eskolaz kanpoko ekintzen egitaraua. Urtero bezala, gure ikasleei eskola orduetan baina eskolatik kanpo hainbat ekitalditan parte hartzeko aukera eskainiko diegu: tailerrak, hitzaldiak, ikuskizunak, bisita gidatuak, kontzertuak, barnetegi txikiak, inauteri jaia... Denetarik egin eta ikusteko aukera izango da ikasturte honetan ere.
Hasteko bi proposamen ditugu zuen artean zabaltzeko:
Estrenaldi-ekitaldia azaroaren 24an izango da, Kidam magoaren emanaldia izango dugu Hala Bedi tabernan, arratsaldeko 18:30ean.
Bestetik, dagoeneko, badago aukera neguko barnetegi txikira joan nahi duenak izena emateko. Aurten, abenduaren 3, 4 eta 5ean izango da Getaria eta Zumaia artean dagoen Askizu aterpetxean. Gainera, urtero bezala, azken egunean Durangoko azokara joateko aukera izango dugu!
Zer, egingo al dugu?
